Nahia Alkortarekin hitz egin genuen pasa den astean Ama(t)asunak egitasmoaren inguruan. Ikuspegi feministetatik amatasunak lantzea da podcast izaera duen egitasmo berri honen helburua eta lehen alea entzungai dugu jada.

Osasun mentalaz gutxi hitz egiten duen jendartean bizi gara eta amen osasun mentalaz soilik kasu larrietan hitz egiten dugula iritzita,  lehen atalean, psikologo perinatala den  Estitxu Fernandez Maritxalarrekin solasaldia izan du Nahia Alkortak.