Umeak “mundu zabal bateranzko bidaia intentsu batean” murgiltzeko xedez, herririk herri ibiltzen da Ane Gebara hango eta hemengo ipuinak kontatzen Ane Gebara ipuin kontalari gasteiztarra.

Lau urte pasa dira kontalari gisa lehen urratsak egiten hasi zenetik, eta ogibidea “zenbat eta sakonago ezagutu orduan eta plazer handiagoz” lan egiten duela azaltzen du.

“Gaiztoak” agertzea, gako

“Pertsonaia gaiztoek bai ala bai egon behar dute, horiek lortzen dutelako neska-mutilak fikziozko kontaketako partaide bilakatzea”, azaltzen du. Pertsonaia gaiztoak ezinbesteko ikusten ditu ipuinetan. Noski, umeen adinera egokituta.

Umeek “begiak eta belarriak ixten dituztenean” istorioak “funtzionatzen” duela konturatzen da, eta ipuin kontalari gisa bizi izandako une berezienak horiek direla azaltzen du.

Mozten ez den haria

Ipuin kontalari euskaldunak “betidanik” egon direla uste du Gebarak, belaunaldi bakoitzean agertzen direlako ohitura mantentzeko prest dauden “apurren batzuk”. Gaur egun ofizioan jende berria egotea “pozgarritzat” jotzen du, gainera, gasteiztarrak.

Arrasateko Kulturaten eta Santa Marinan izango da Gebara hilaren 21ean eta 27an.

Ane Gebara ipuin kontalaria.

Argazkiak: unir.net eta Goiena.