Haurrei Euskal Herria, bere zentzu zabalenean, ezagutzen, maitatzen eta gozatzen lagunduko dieten liburuak egin nahi dituzte Sua argitaletxean. pasa den astean Arrasateko eragile ezberdinek antolatutako Naturan Jolasean ekimenaren baitan aurkeztu zuten Adi Natura liburu bilduma. Argiñe Areitio Sua argitaletxeko koordinatzailearekin hitz egin genuen bildumaz eta berau osatzen duten liburuez.

“Txikitik abiatuz, haurrek beren ingurune hurbila hobeto ezagutu dezaten kaleratu ditugu liburuak, uste baitugu zerbait maitatzen hasteko, lehenik ezagutu beharra dagoela, eta, ondoren, maitasunetik etorriko dela babesteko ardura.”