Bizipoza, Gipuzkoako Kirol Egokituen Federazioa eta Artaziak elkartu dira lehen aldiz Ari! Sormena eta Mugimendua proiektua martxan jartzeko. Proiektuak gorputzarekin, arteekin eta mugimenduarekin lotutako ekimen berritzaile bat sortzea du helburu, izaera inklusiboa eta genero ikuspegia izango duena, 12 eta 21 urte bitarteko gazteei zuzendua.

Jarduera fisikoa egiteko interesa nabarmenki galtzen dute, kasu askotan, 12 urtetik gorako gazteek. Adin horretatik aurrera egiten zaien kirol eskeintzak maiz ez du bat egiten beraien motibazioekin, edota inguruko kirol elkarteetako jarduerak ez zaizkielako batere erakargarri egiten, normalean eskaintza hauek leihara bideratuta egoten baitira eta neskak eta mutilak bereizten baitituzte. Era berean, dibertsitate funtzionala duten gazte askok ez daukate eskaintza alternatiborik, espazio ludiko inklusiboetan ekintzak burutu eta esperientziak partekatzeko.

Ari! Sormena eta Mugimendua ekimenak, auzi honi erantzun bat eman nahi dio sormen eta mugimenduzko eremu bat sortuz, genero ikuspegia eta gizarte inklusioa integratuz. Metodologia bat sortu nahi du proiektuak, ad hoc diseinatu den baina etorkizunean erreplikatu daitekeen jarduera pilotu baten bidez.

Proiektu pilotua programazio modulu bat sortzean datza, hiru hilabeteko iraupena izango duena, progresiboki, modu dibertigarrian, elkar-hezitzailean, kooperatuz eta inklusiotik dibertsitatean arreta jartzeko gizartean dagoen behar bati erantzuteko helburuarekin. Ekimen honen bitartez kalitatezko ariketa fisikorako aukera bermatu nahi zaie egungo kirol eskaintzetara egokitzen ez diren pertsonei, haien ongizate psikofisikoa sustatuz, gaitasun motrizak hobetzea ahalbidetuz, talde-komunikaziorako aukerak zabalduz eta adierazpen bideak erraztuz artearen eta mugimenduaren bitartez. Aldi berean euskararen erabilpena indartuko da eta genero ikuspegiak zeharkatuko du proiektua.

3 lan ildo

Egitasmoak 3 lan ildo dauzka: Lehenengoa Ikastaro trinko bat da, eta Jordi Cortés koreografo-sortzailea gonbidatuko dute bere ibilbidea azaldu eta dantza inklusiboaren esparruan izan duen esperientzia azaltzera. Tailer teoriko-praktiko hau gizarte- eremuekin eta mugimenduarekin lotura duten pertsonei zuzenduta dago; ezberdintasunetik, bestearen berezitasunetik abiatuz sortzera gonbidatzen du, munduan kokatzeko dugun modua berrasmatuz, harreman-konexio mota berriak eratuz gure gorputzen mugimenduaren bitartez.

Jordi Cortés dantzaria, koreografoa eta irakaslea da. Ia 30 urteko lan-ibilbidea du eta s KIAKAHART eta ALTA REALITAT elkarteen sortzaile zein zuzendari artistikoa da, baita LIANT LA TROCA dantza kolektibo integratu/ inklusibokoa ere. Jarduera hau Irailaren 26ean, larunbata, 10etatik-14etara izango da Errenteriako Dantzagunean, eta formatu teoriko-praktikoa izango du. Parte-hartzea doakoa izango da, eta gizarte arloan zein mugimenduan interesa duten adin guztietako petsonei zuzenduta dago.

Bigarren ildoa, 10 saio praktiko izan dira, Ion Munduate koreografoak gidatuak. 12 eta 21 urte bitarteko gaitasun anitzeko gazteak, sormen laborategi gisa pentsatutako gunean mugimenduarekin eta gorputzarekin lotutako dinamikak landu zituzten

Proiektuaren hirugarren atala material pedagogikoa  da, aplikatu den metodologia jaso eta proiektuaren erreplikagarritasuna ahalbidatzen duena.

Materiala, helbide honetan aurkituko duzue: www.ari.eus

Webgune honetan aurkituko duzuna ARI! SORMENA ETA MUGIMENDUA proiektuaren material pedagogikoa da. Material honek talde bat aktibatzeko gorputz-dinamikak eskaintzen ditu, Ion Munduate eta Artaziakek bideratutako laborategi batean sortuak.

Proiektuaren osagaiak hauek dira:

#InklusioSoziala #GeneroIkuspegia #aniztasuna #hezkidetza #euskara #sormena #mugimendua #artea #LehiakorEzDirenJarduerak #kirola #JardueraFisikoa #gazteak #ArteBiziak

https://www.artaziak.eus/ari/#