Arrasateko Udalak, gurasoen hezkuntza lanari babesa emateko gurasoentzako seme-alaben heziketaren inguruan zenbait hitzaldi eta tailer antolatu ditu datozen hilabeteei begira.

Helburua da gurasoekin seme-alaben heziketaren inguruan hausnartzea, eta gurasoei egunerokotasunean sortzen zaizkien kezka eta zailtasunak konpartitzeko guneak eskaintzea da, bi sailek elkarlanean antolatu dute aurtengoan gurasoentzako eskaintza. Guk , ekimena aitzakia moduan erabili dugu Udalek gurasoen beharrei erantzuteko dituzten egitasmoen inguruan hausnartzeko. Honetarako Arrasateko Haur eta gazteria teknikari den Blanka Jauregi eta Prebentzio teknikari den Maite Aizpirirekin egin genuen hitzordua. Hona hemen beraiekin izandako elkarrizketa:

Hona hemen Arrasaten gurasoentzako antolatutako hitzaldi eta tailerrak:

Alde batetik, Gipuzkoako Foru Aldundiko Gazteria Zuzendaritzaren “TREBA Gurasoak” prestakuntza-ekimenaren baitan, 4 hitzaldi antolatu dira Arrasaten:

  • Otsailak 9: Haur eta nerabeen ongizaterako eta garapen osasuntsu baterako gakoak. Hizlaria: Leyre Cano
  • Martxoak 2: Haurrak, nerabeak eta hezkidetza etxean. Hizlaria: Nerea Lores
  • Apirilak 6: Emozioen garrantzia familian. Nola zaindu seme-alaben emozioak. Haur eta nerabeen gurasoentzat. Hizlaria: Donna Apellaniz
  • Maiatzak 6: Komunikazio ez bortitza. Hizlaria: Nerea Mendizabal

Hitzaldi guztiak 18:00etan izango dira, Kulturateko Areto Nagusian.

Bestalde, seme-alaben adinaren arabera gurasoentzako 3 tailer ere eskainiko ditu Udalak:

  • 0-5 urteko taldea: “Teoriatik eta bizipenetatik abiatutako gurasoentzako tailerra”. Jose Ramon Mauduitek eta Anna Uriostek dinamizatuko dute. Otsailak 28, martxoak 7, apirilak 4 eta maiatzak 2 eta 30, 17:30etik 19:30era, Txikitxokoan  eta haurrekin batera joateko aukera egongo da.
  • 6-11 urteko taldea:  “Gurasotasuna m-z idazten: maitasuna eta mugak”.  Virginia Belategik dinamizatuko du. Martxoak 15, 21 eta 29, apirilak 5 eta 26, eta maiatzak 3an  Kulturateko Garibai gelan, 17:00etatik 18:30era.
  • 12-16 urteko taldea: “Gurasotasuna m-z idazten: maitasuna eta mugak”.  Virginia Belategik dinamizatuko du. Martxoak 15, 21 eta 29, apirilak 5 eta 26, eta maiatzak 3an Kulturateko Garibai gelan,18:45etik 20:15era.

Hitzaldi eta tailerretan izen emateak BAZ-en burutu behar dira, 943.25.20.00  telefonora deituta edota www.arrasate.eus/izen-ematea