Estivill klinikako Francesc Segarra EHUko udako ikastaroetan izan da, eta hainbat argibide eman ditu.
Lo ohiturak aztertzen dituen Estivill klinikako Francesc Segarra EHUko udako ikastaroetan izan da, eta beste batzuen artean nerabeen erritmo fisiologikoez aritu da. Radio Euskadin egindako elkarrizketa batean berriki Murtzian egindako ikerketaren bat izan du hizpide. “Bizitzan zehar hiru aldaketa nagusi ematen dira gizakiaren ordulari biologikoan, garrantzitsuenetakoa nerabezaroen”, esan zuen.
Azaldu zuenez gorputza prestatu egiten da lotarako, eta prestaketa fisiologikoetako bat gorputzaren tenperatura jaitsiera da. Murtzian, 1.500 neraberen gorputzeko tenperaturaren gorabeherak neurtu dituzte, eta ondorioztatu dute adin horretan benetako arazoak daudela 03:00ak aurretik lo hartzeko; gorputzaren tenperatura ez da jaisten. Goizean zehar, bestalde, bi aldiz jaisten da gorputzeko tenperatura nerabezaroan: lehen orduan eta goiz erdian. “Ikerketak erakusten duena da goizeko lehen orduan gazteek logura sentitzen dutela, eta arrazoi fisiologikoak badaudela tartean. Murtzian, esaterako, aldatu egin dituzte ikasgai taulak. Konturatu dira ordu horretan gazte horiekin fisika edo matematika egitea ez dela egokia, eta hori ari zirela egiten. Beste modu batera antolatzen dira orain”.
Radio Euskadin egindako elkarrizketa hemen (gazteleraz).
Argazkiaren iturria hemen.