Miren Ros Aiartzaguena

Miren Ros Aiartzaguena naiz.
Eibartarra jaiotzez eta bihotzez. Orain, Zarautzen bizi naiz nire familiarekin.
2007an ama egin ninduen gure semeak eta azkarregi joan zen gure albotik; gerora bi alaba izan ditut nire bikotekidearekin.
Enpresa munduan 15 urtez lan egin eta gero, nire bitzizari 180º-tako aldaketa bat eman beharra niola sentitu eta 2015ean, Bidelagun sortu nuen; familen bidelagun haur eta gaztetxoen hazkuntza eta heziketa horretan.
Arlo ezberdinetan formatua izan naiz akonpainamendu hori egin ahal izateko eta guztien gainetik Pedagogia Sistemikoa aipatu beharra daukat. Munduan egoteko modu berri bat erakutsi dit eta ikasi ditudan – eta ikasten ari naizen – beste gai guztietara eraman dut, nire parte baita.
Nire ibilbide profesionala eta pertsonala orain naizen pertsona izatera lagundu didate. Oso eskertuta nago bizitzari eta bidean ezagutu ditudan pertsona guztiei.
Elkarlanean eta komunikazioan sinisten dut; gizakiok indar eta energia ederra dugu, elkartzen garenean gauza zoragarriak sor daitezke. Familietan, eguneroko presak, lanak, ordutegiak, betebeharrak… direla eta, askotan era “automatikoan” goaz, presaka. Eta garrantzitsua da frenua zapaldu eta geratzea, gure haurrekin dugun harreman hori gozatzea eta goxatzea. Nire saioek harreman horri patxadaz begirateko aukera ematen dute. Egon daitezkeen zailtasunei aurre egiteko baliabideak eskainten ditut eta taldean ere ekarpen baliagarriak ateratzen dira. Elkarrekin. Tribuan.
Kolaborazio honek nire gogoetak eta bizipenak elkarbanatzeko aukera ematen dit. Nire asmo onenarekin, nire lekutik, nire apaltasunetik, norbaiti ekarpen bat egin badiezaioket, bejondeigula!