25. urteurrena ospatzen ari da Hik Hasi egitasmoa ikasturte honetan, eta horren bueltan “Autonomia, iniziatiba eta sormenaren lanketa jaiotzetik nerabezarora” jardunaldiak antolatu dituzte hilaren 20rako.    

Agerraldia ekimenarekin elkarlanean, Nafarroako erdialdean, Talafallan (kulturgunean), antolatu ditu jardunaldiak Hik Hasik.  Martxoaren 20an izango da eta estreaming bidez jarraitzeko aukera ere izango da. Horretarako, aurrez izena eman beharko da eta dagoeneko zabalik dago aukera Hik Hasiren webgunean.

45 minutuko hitzartzeak egingo dituzte zazpi adituk eta jardunaldien ardatza  autonomia, iniziatiba eta sormenaren lanketa izango da, izenak dioen moduan.

Honako hau da egitaraua:

  • 09:00 – 09:45 – Nora Salbotx
  • 09:45 – 10:30 – Xabier Tapia
  • 10:30 – 11:15 – Ane Ablanedo
  • 11:15 – 11:30 – Atsedena     
  • 11:30 – 13:30 – Jaume Funes
    • Adolescentes felices en tiempos de caos adulto.
  • 13:30 – 14:00 – Galderak
  • 14:00 – 15:30 – Bazkaria
  • 15:30 – 17:30 – 2 esperientzia
    • Euskara eskolan eta aisialdian: guraso, irakasle eta hezitzaile berritsu berritsuak – Iñaki Eizmendi
    • Lidergoa eta begirada sistemikoa, ikastetxearen helburuak gauzatze bidean”. Iñaki Arana eta Iratxe Vázquez
  • 17:30 – 18:00 – Ondorioak eta itxiera
Etiketak: