Orioko itsasadarrean, kiroldegitik gertu Azkue parkea dago. Berdegune handia du eta hondarrezko zoru gainean daude jolaserako elementuak.

Parkea, gainera, ibai ondoko ibilbidean aurkitzen da eta pasealeku ederra da hori ere. 5-12 urte arteko umeentzako jolasparke moduan izendatuta dago.

jolaserako estrukturak sokarekin egindako sareak, oreka jokoak egiteko lonak, piramide handi bat eta txirrista ditu, besteak beste. Tirolina bat ere badago parkean.

Ura edateko iturria, zaborrontziak, eserlekuak, mahaiak eta jolasean egiteko berdegune zabala ditu ondoan. Distantzia gutxira saskibaloi kantxa eta skate parkea ere badaude. Futbol kantxa irekia ere badago kiroldegi parean.

Aparkalekua du ondoan. TAO sistema indarrean dagoen edo ez egiaztatzea komeni da.