Ondoren irakurri ahal izango duzue umeak baimena ematen ikasteko joko oso erraz eta aldi berean oso erabilgarri bat.

  • Eseri zure txikiari aurrez aurre begira.
  • Has zaitez zu eta galde iezaiozu modu atseginean belarria uki diezaiokezun.
  • Baietz esaten badu –edo baimentzeko keinua egiten badu–, kilimak, pedorretak, maitia-maitia… egin iezazkiozu gorputzaren alde horretan. Afektu-keinu horiekin, biok goza dezazuela.
  • Gorputzaren beste atal batzuekin jarraitu eta antzera segi –sudurrean, besoan, hankan, tripan–.
  • Genitaletara iristean, galdera bera egingo dugu, eta hauek izango dira aukerak: baietz erantzuten badu, esango diogu ez duela baietz esan behar, gorputzaren zati hori pribatua dela eta berak bakarrik egin dezakeela; eta ezetz erantzuten badu, arrazoi duela esango diogu, berak bakarrik egin dezakeela.

Kontuan hartzekoak

Gorputzaren atalen bati ezetz esaten badio, nahiz eta aldez aurretik baietz esan, errespetatu egiten dugula esango diogu, bere gorputza dela, eta eskerrik asko eman, mugak jartzeagatik.

Ulertzen dute? Jolasa eta elkarrekintza ludikoa ulertzen dituzte, eta, horri esker, beren egunerokotasunean praktikan jartzen dute, nahi gabe eta modu naturalean.

Zenbat urterekin hasi? 2 urtetik aurrera, guk bakarrik hitz egin dezakegu, baina apur bat gehiago hazten diren heinean, –hiru urtetik aurrera, gutxi gorabehera–, haiek ere jokoan parte hartu dezatela, eta ikas dezatela besteek baimena emandakoan bakarrik egin dezaketela.

Nola jolastu? Presiorik gabe, senide desberdinekin eta une desberdinetan jolastu. Ez da gorputzaren atal jakin batean zentratu behar, baina bai erakutsi behar zaie ezetza beti errespetatu behar dela eta haren ahotsa beste edozeinena bezain garrantzitsua dela.

Iturria: Kimudi.