Bergaran urtero egin izan duten Koldo Eleizalde lehiaketan saritutako ipuinekin kontalari saioa egin dute aurten. Bederatzi neska-mutikok egin dituzte kontalari lanak eta saioari Bergararrak kontalari jarri diote izena.

Lehiaketan saritutako ipuin bat aukeratu eta nork bere bertsioa egin ostean eraman du Seminarixoa aretoko oholtza gainera. Gazteentzako lehenengo aldia zen jendaurreko kontalari lanetan, eta ondo moldatu ziren. Saioa osorik duzue ikusgai.

Hona hemen kontalariak:

Haizea Arantzabal: Zapatila bat naiz
Anartz Calleja: Entsalada lehiaketa
June Chups: Benito otsoa
Maite Errasti: Xabier eta liburua
Kaiet Heis: Liburu magikoa
June Kalboetxeaga: Maitasunaren argia
Nerea Leceta: Malko baten bidaia
Nahia Lopez: Ni eta hiru lagun zituen alfonbra hegalaria
Beñat Piñeiro: Aioraren desira