Haur eta Lehen Hezkuntzarako espazio berriak hiru gune izango ditu eta horietako bakoitzean, ikastetxe barruko hainbat jarduera landuko dira, hurrengo ikasturtetik aurrera. Oñatiko Elkar Heziren eskola orduetatik kanpo, herritarrei zabalik egongo den espazio izateko borondatearekin jaio da gainera, Behebarrua proiektua.

Oñatiko Elkar Hezi ikastetxeak Behebarrua aurkeztu die eskolako komunitatea osatzen dutenei. Haur eta Lehen Hezkuntzan garatzen diharduten eraberritzen lanen oinarrian dagoen proiektu pedagogikoaren nondik norakoak azaldu zituzten. Eta, bereziki, nondik sortu den espazio berri hori sortzeko ideia.

Behebarrua-k hiru espazio izango ditu: Izan, Erein eta Ekin. Eta, horietako bakoitzean, ikastetxe barruko hainbat jarduera landuko dira. Izan gunean, barnekotasuna, irakurketa eta meditazioa, besteak beste. Ekin gunea, eskola barruko jarduera arrakastatsuendako lekua izango da: batzorde mistoa, liburutegi tutorizatuak, talde elkar-eragileak edo tertulia dialogikoak. Azkenik, Erein gunea, bereziki 0-6 urte arteko umeendako izango da, beraien talentua landu, eta adimenaren dimentsio osoa garatzeko.

Espazio berri hori nola antolatu zehazteko, prozesu parte-hartzaile bat egin zuten ikastetxeko eragile guztiekin.

Herritarrei irekita

Hiru gune horiek eskola barruko jardueratarako espazioa izango badira ere, Elkar Heziren eskola orduetatik kanpo, herritarrei zabalik egongo den espazio izateko borondatearekin jaio da.