Errekalde parkean sortu dute Dolurako Gunea bergararrek, eta pailazoek Inauterietan egindako ikuskizunaren bueltan oparitutako intxaurrondoa landatu dute bertan. Amaren intxaurrak emanaldia egin zuten, orduan, pailazoek. Heriotzaren gaia lantzen dute pailazoek ikuskizun horretan.

Proposamena izan zen intxaurrondoa landatzea eta bihurtzea dolua egiteko gune. Hau da, senide edo lagunen bat galtzerakoan intxaurrondoa izan dadin leku bat bertaratzeko eta galdutako horiek oroitzeko.

Herrian egindako Bizipoza Jaialdian izan ziren Pirritx, Porrotx eta Marimotots atzo, eta Errekalde parkera joan ziren landatutako intxaurrondoa ikustera. Dolurako Gunea izatea nahi dute umeek ere jakin behar dutelako heriotza bizitzaren parte dela.