Berriak eta Txintxa Jolasak elkarteak elkarlanean, bi misterio jolas sortu dituzte haurrentzat eta helduentzat. Helburua, jolasa, irakurketa, euskara eta euskal kultur ondarea lantzea da.

Euskaraz gisa horretako lehen jokoak dira, misteriozko mahai jolasen lerro “berritzaile” bat sortuz. Istorioak irakurtzeko edo bizitzeko “modu desberdin eta aktibo bat” bultzatzeko balioko dutela uste dute Berra eta Txintxa Jolasak elkarteko arduradunek.

Batetik, Misterio kasu laburrak izeneko jolasa eratu dute, 6 eta 12 urte bitarteko haurrei zuzenduta dagoena. Misteriozko jolas laburren liburu bildumatxo bat da. Parte hartzaileek, misterio jolas hauetan, erantzuna aurkitu beharko diete ikerketa lanetan eskatzen zaizkien galdera-erronkei.

Bestetik, Aralarko Ttanttak izenekoa, helduagoentzat dago zuzenduta. Goierriko hilketa baten inguruko jolasa da; misterio nobela, mahai jolasa eta ihes gelaren arteko fusio batetik datorrena. Berria dendan daude eskuragarri biak.