Berrogeialdia

Berrogeialdia; ama izan ondorengo garaia, egunak, asteak…

Bakoitzak oso modu ezberdinean bizi izan du eta bizi izango du, guztiak dira zilegi eta guztiak errespetuz onartu behar direla uste dugu. Gaurkoan, Laia Casadevall emagin eta ekintzaileak gaiari buruz idatzitako artikulua ekarri dugu euskarara. Zuen iritzi eta esperientziak ezagutzeko gogotsu gaude. Nola bizi izan duzue berrogeialdia?

Zure haurra jaio da eta zure gorputzak aldaketa oso handiak izan ditu, oso denbora-tarte txikian.

Denbora behar dugu dena maila fisikoan eta emozionalean berregokitzeko.

Berrogeialdia, erditu berri den emakumeari atseden hartzeko, kultura bakoitzak bere modura antolatzen duen duen espazio/denbora da.

Baina ez da amaren gorputza berreskuratzeko denbora bakarrik, haur jaioberriarekiko errespetuzko espazioa ere bada, bere ingurune berrira pixkanaka eta modu harmoniatsuan egokitu behar baitu.

Mendebaldeko gure gizartean ohikoa da erditu eta egun gutxira beren ohiko bizitzara itzultzen diren emakumeak saritzea.

Baina jarrera hori, beste behin ere, gure gorputzak eta haurtxoak dituzten benetako beharrak ez entzutearen emaitza da.

Normaltasunera itzultzea, hausnarketarako, loturarako eta gertatu diren aldaketetarako denborarik eman gabe, gure osasun fisikorako kaltegarria da gutxienez, baina, gainera, gure gizarte patriarkalaren beste lorpen bat da, emakume produktiboak eta atxikimendu gabeko haurrak nahi dituena.

Berrogeialdia gorputza gurtzeko espazio sakratua da. Besoetan duzun haurra ezagutzeko eta ezagutzeko gune paregabea. Edoskitzaroa modu arrakastatsuan ezartzeko gune bat. Nutrizio-zainketetarako espazio bat.

Berrogeialdia opari kultural bat da, eta besarkatu egin behar dugu. Gurea bezala onartzen den opari bakanetako bat da. Gu, zaindu behar gaituzten unea, etorri berriak zaindu ahal izateko.

Denbora izango dugu normaltasunera itzultzeko. Bizitzak aurrera jarraituko du utzi zenuen lekuan.

Bizitzako lanik gogor eta konplexuenetako bat egin ondoren, oparitu zure haurrak behar duen bakea eta lasaitasuna, zure gorputzak merezi duen atsedena.

Artikulurako erabilitako argazkia: charnee wiggett (Pixabay)

Intereseko beste artikulua Sabeletik Mundura webgunean: