Hirugarren urtez jarraian proposatu nahi dizuegu: Egin putzuetan plast!

Euria Euskal Herriko eguraldiaren ohiko ezaugarria dela esan dezakegu edo hala esaten genuen orain arte! Guk gustura hartu dugu euria,  behar genuen halako aste euritsu bat negua dela gogorarazteko. Hala ere egun euritsuetan kostatu egiten zaigu kalera irten eta jolastea. Zuei ez?.

Euriak, hotzak, gaixotzeari beldurra izateak … eragin zuzena izaten du gure jolaserako jarreran.


Aurten ere  Putzuetan plast! ekimenarekin aitzakia eskaini nahi dizuegu. Putzuak konkistatu eta euria jolaserako erabiltzeko.  Herri, auzo edo natur inguruetan dauden putzuek jolaserako eskaintzen diguten aukera balioan jartzen jarraitu nahi dugu. putzura salto egin eta zipriztintzearen gozamena aldarrikatu!

Azken bi urteetan, irribarre, indar,  gozamen aurpegi askoren… abiapuntu izan da Putzuetan Plast! eta aurten ere horixe nahi dugu, haur zein helduentzako aitzakia sortu! Bai, ausartuko al zara haurrekin batera salto egitera?


Guztiok jolastu izan dugu putzuekin, haurrek putzuen gainean ilusioz egiten dute salto, esperimentatu egiten dute uretan inguruneak egiten duen isladarekin, gozatu egiten dute plisti-plasta egiten. Ekimen txiki honekin, haurrek zein helduek horren sinplea eta gure ingurunean garai honetan horren ugaria izan ohi den zerbaitekin jolastea proposatu nahi dugu, urarekin.


Zer bilatzen dugu? Putzuetan jolastuko duten herritarrak
Nola hartu dezakezue parte? Putzuetan jolasean ari diren pertsonei argazkiak edo bideoak atera eta bide hauetatik gurekin partekatuz:
Whatsapp eta Telegram sareen bitartez 688 72 42 05 telefono zenbakian
Emailez komunikazioa@txatxilipurdi.eus helbidean


Argazkia edo bideoarekin batera parte hartzailearen izen abizen eta telefono zenbakia bidali beharko da, eta nahi izanez gero putzuaren kokalekua, modu honetara beste batzuk ere potzu horrekin gozatzeko aukera izango dute.


Kontutan izan! Argazkietan adingabeak zein helduak ateratzen badira, parte hartzearekin batera onartuko duzula irudiak Txatxilipurdi eta guraso.eus eko sareetan zein webgunean argitaratzea.
Nork hartu dezake parte? Jolasteko gogoa duen edozein pertsonak.
Noiz dago ekimena martxan? Urtarrilaren 19tik otsailaren 19ra jasoko ditugu argazkiak. Ondoren, parte hartzaile guztien artean Txatxilipurdiko produktuen lotea zozketatuko da.