Zarauzko Itxasmendi auzoan Zarautz Bihotzekin lasterketa eta martxa antolatu dituzte aurten ere, bihotzeko arazoak dituzten haurrei eta gazteei laguntzeko. Irailaren 29an ospatuko da ekimena, eta lasterketa nahiz martxan parte hartzerik nahi ez dutenek ere izango dute aukera laguntzeko 0 dortsala erosita.

Lasterketan parte hartu nahi dutenek lotura honetan eman behar dute izena, eta martxan atera nahi dutenek beste honetan. 0 dortsala hemen eskuratu daiteke.

09:30ean zabalduko dute egun berean dortsalak hartzeko postua, Bustinzuri kaleko atletismo pistan. Ondoren, leku berean hasiko da ekimena. 11:30ean hasiko da lasterketa (4,5 kilometro) eta 10:30ean martxa (3,5 kilometro). Sari banaketa 12:30ean egingo dute.