Bihotzez elkartea sortzetiko kardiopatia duten haur, gazte eta heuren familiek osatzen dute. Beraien helburu nagusia da sortzetiko kardiopatiak dituzten pertsonei eta haien familiei orientatzea eta laguntzea.

Josune Toquerorekin hitz egin dugu elkartearen berri eman eta Bizipozaren baitan egoteak suposatzen duenaz.

Josune Tokero

Sortzetiko kardiopatiak jaiotzetik bihotzean agertzen diren malformazioak dira. Intzidentzia handiena duen sortzetiko gaixotasuna da, eta jaiotzen diren haurren ia %1arengan du eragina. Euskadin, gutxi gorabehera, 175 haur jaiotzen dira urtean sortzetiko kardiopatiarekin eta estatuan egunean 10 haur jaiotzen dira.

Kardiopatien tratamendu nagusia ebakuntza kirurgikoak dira, kasurik gehienetan, gorputz kanpoko bihotz ebakuntzak. Kardiopatia larrienak ebakuntza ugariren beharra izaten dute eta ospitaleratze luzeak sufritu behar izaten dituzte. Era berean, aldizkako errebisioak izaten dituzte, zeinak, askotan, bizitza osoan zehar luzatzen diren.

Bihotzezek Euskal Herrian lan egiten du bihotz desberdinarekin jaio diren haur eta gazteen bizi kalitatea hobetzeko.

Otsailaren 10ean egin ikusi genuen lehen aldiz Orbainen Azpian izeneko bideoklipa

Musika: Xabier Zabala Hitzak: Nerea Ibarzabal salegi Ahotsa: Xabi Solano Maiza Grabaketa: Elkar estudioa Bideokliparen grabaketa eta edizioa: Arena Comunicación audiovisual Elkartea: Bihotzez Zeinu Hizkuntzako interpretea: Ainhoa Moiua