Bilboko Harrobia Lanbide Heziketa ikastetxeko marketin eta 3Dko zikloetako ikasleek, Bilboko Udalarekin batera jarri dute martxan, BirziklaON izeneko sentsibilizazio kanpaina. Horrekin, euren helburua da, gazteen artean kontsumo arduratsua sustatzea.

Erabilitako material kopurua murriztea, berrerabilpena bultzatzea eta birziklapenaren aldeko jarrerak sustatu nahi dituzte gazteen artean, BirziklaON-ekin. Horretarako, gaur egun hain modan dauden challenge edo erronka bat jarri dute martxan ikasleek. Besteak beste, nahi dutena da, gazteek Instagramen jarri duten erronka horretan parte hartzea #24orduplastikorikgabe traola erabilita. Horrez gain, Play Store-n eskuragarri jarri dute baita ere BirziklaON bideo-jokoaren beta bertsioa.

Sentsibilizazio kanpaina, BBK Open Science jaialdian aurkeztu dute, hezkuntza berrikuntza sailean, eta nahi dute, eragin soziala izan dezala.

Harrobia Lanbide Heziketa ikastetxea, ETHAZI bezala ezagutzen den Etekin Handiko Zikloak izeneko irakaskuntza ereduan murgilduta dago. Erronka eta proiektu errealetan oinarritzen da hori, eta jarri dituzte bestelako ekimen batzuk ere martxan: PlayStation-erako Nuclear Corps bideo-jokua sortu dute eta hirugarren adinekoentzako zaharkitze aktiboa programa diseinatu dute, besteak beste.

Orain, espero dute, BirziklaON-ekin martxan jarri duten kanpainak ere indarra hartzea gazteen artean.