Haurtzaro goiztiarrean, liburuekiko, errimekiko eta kantuekiko maitasuna bultzatzeko ekimena da Bookstart eta Mestiza elkarteak kudeatzen du. Ekimen horren bidez, euskarazko irakurketa zabaltzen zaie haurrei hainbat herritan –gaztelaniazko eta ingeleseko materiala ere badute–. Gaur gaurkoz Ordizian, Orion, Lasarte-Orian, Urnietan, Larraulen, Alkizan, Gasteizen, Idiazabalen, Legorretan, eta Ataunen hedatzen da.

Materiala doan webgunean

Horrekin batera, doan deskargatu daitekeen materiala dute webgunean. Errimak, abestiak  eta bideo-ipuinak deskargatu daitezke. 0-3 urte bitarteko umeendako liburu gomendatuen zerrenda eta hitzorduen agenda ere badituzte.