Azkaineko Serres ermitaren inguruan jarrita dagoen instalazio interesgarri baten berri ematera gatoz. Kabanak izeneko proiektuaren arduradunek jarri dute, eta zabalik dago jolasteko, gozatzeko eta irudimena lantzeko.

Aurreko zazpi urteotan Donibane Lohizuneko Louis XIV plazan, Angeluko Cinq Cantons plazan edota Baionako Montaut plazan jarri dute instalazioa Kabanak proiektuko kideek. Aurten, Azkaine, Donibane Lohizune eta Senpere artean dagoen Serres auzoko ermitaren bueltan dago jarrita.

Unibertso honetan arau bakarra dago; ez dagoela araurik. Sarrerarik ez dute kobratzen eta trukea, elkar zaintza eta denboraren zein ilusioaren elkar trukea aldarrikatzen dituzte.

Ez dago programazio zehatzik. Hainbat egitura daude jarrita, tartean eszenatoki bat, eta norbera libre da nahi duena egiteko edo proposatzeko.

Informazio gehiago aurkituko duzue Kabanak izeneko Facebook profilean.

Argazkilaria: Mathieu MENGAILU.
Instalazioa eta sorkuntza: ZAPHIR, AMANIU, PEIO eta Jean Marc HIGOS.
Kaperaren jabea: LAMBRIGOT Fabrice.
Espazio pribatuaren jabea: THURIN Laurent eta RODRIGUEZ.