Haur dislexiko bat liburuz jositako mundu batean bizi da. Bakarrik eskalatu behar du hezkuntza-sistemak berarentzako suposatzen duen mendi erraldoia. Gogoetarako lan interesgarria da Dislexikoa naiz film laburra. Gogoetarako eta dislexiaren errealitatea lehen lerroan jartzeko.

Mads Johanek eta Katie Wymanek zuzendu, ekoitzi eta idatzia da Dislexikoa naiz. “Biok dislexikoak gara, eta biok esperimentatu dugu hainbat modutan. Film hau egin genuen ikasteko desberdintasunak dituzten pertsonei zerbait eskaintzeko itxaropenarekin. Zerbait esateko: “Bai, bidaia zaila da, baina ez zaude bakarrik eta borroka gainditu dezakezu!”. Hau da gutako askok jaso ez genuen mezua hazi ginenean. Horregatik, ahalik eta jende gehienak film hau ikustea nahi dugu, norbaiti aurrera egiteko adorea emango diolakoan. Ikasteko zailtasunak dituztenek harro egon behar dute nortzuk diren eta inoiz ez dira bakarrik sentitu behar”, esan dute.

Film laburra ez da berria. Baditu sei urte. Metafora indartsuak erabiltzen ditu haur dislexikoek bizi dituzten emozioak erretratatzeko.