Abenduaren 26an estreinatu zuen EITBPodkast atariak Dodoa izeneko podcast berria eta egunero atal berri bat izango da entzungai. Guztira sei atalek osatzen dute.

Haurrek, kantuaren eta antzumenaren bidez, irudimena lantzea da helburu nagusia, musika zaletasuna piztearekin batera. Entzuleek zenbait animalia, piztia eta mamu ezagutuko dituzte, besteak beste; betiere, Dodoaren dudak bidean argitzen ahaleginduko dira.

Iñigo Astiz kazetari eta poetaren letra eta Jabier Muguruzaren musikaren bidez, 2021ean sortutako abestien osagarria da podcasta. Euskara eta musika uztartzen ditu. Bikoteari Mikel Azpiroz musikaria gehitu zaio, pianoarekin eta soinu-teknikari lanarekin. Kantuetan Jabier Muguruzarekin batera, Nieves Arrillak hartu du parte.