Etxeko txikienekin batera egiteko moduko errezeta bat proposatzen dizuegu jarraian: donut osasungarria.

Osagaiak, 12 donutentsat, gutxi gorabehera:

  • Batata gordina, 300 g
  • Datilak, hezur gabe, 180 g
  • Arrautzak, 4
  • Kakao purua, 40 g
  • Kokozko olioa, 50 g (nahi bada)
  • Legamia, 10 g
  • Estaltzea nahi bada, txokolate beltza urtuta

Prestaketarako pausuak:

  • Nahastu osagai guztiak eta moldeak bete. Ez dadin itsatsi, pintzel batekin busti moldea kokozko olioarekin edo oliba olioarekin.
  • Sartu labera, 180 gradutan, 15 minutu inguruz.
  • Atera moldeetatik.
  • Txokolate beltzez estaltzea nahi bada, urtu txokolatea eta pasa bertatik donutak.
  • Hozkailuan sartu eta hozten utzi.

Denboratxo bat pasata, jateko goxo-goxoak egongo dira. Animatu eta probatu!