Zineuskadiren Zinema Euskaraz programaren baitan Doraeomon: Nobitaren dinosauro berria estreinatuko da bihar, azaroak 10, Euskal Herriko zinema-aretoetan. Ekimen horren baitan, aurten, estreinatuko den zortzigarren filma da.

Sinopsia

Nobita dinosauroen erakusketa batera joan da ikaskideekin eta dinosauro arrautza baten fosila dirudien harri bat aurkitu du. Doraemonen denbora zapiarekin, fosila bere jatorrizko egoerara itzuliko du eta bertatik bi dinosauro biki jaioko dira, Kyu eta Myu. Inori kontatu gabe haietaz arduratuko da, baina hazten direnean eta bere gelan eduki ezin dituenean, Doraemonek bere garaira eramatea iradokituko du. Lagunekin batera, Doraemon eta Nobita Kretazeora joango dira, eta abentura handi bat biziko dute uharte misteriotsu batean.

Trailerra