Elikagaiekin egindako immunoterapiak aukera ematen die elikadura-alergia duten haur gehienei lehen erreakzio larriak eragiten zizkieten produktuak berriro kontsumitzeko. Hala esan dute Immunologia Klinikoaren, Alergologiaren eta Asma Pediatrikoaren Elkartearen (SEICAP) 49. Kongresuan bildutako pediatra alergologoek.

Datuen arabera, tratatutako haurren % 80k onartzen dute alergia dioten elikagaia. Immunoterapia tratamenduak datza alergia eragiten duen elikagaia (esnea, arrautza edo fruitu lehorrak) pixkanaka eta modu kontrolatuan ematean, urteetan hartzen den mantentze-dosi batera iritsi arte. Oro har iraunkorra den patologiaren aurkako tratamendu aktiboa da: fruitu lehorrekiko alergia duten haurren % 10ek baino gutxiagok tolerantzia espontaneoa garatzen dute.

Arrakastaren gakoa tratamenduaren goiztiartasuna da. “Ahozko immunoterapiak aukera ematen digu elikadura-alergiaren ibilbide naturala aldatzeko, eta eraginkortasun handiagoa du adin goiztiarretan hasten denean, batez ere 4 urtetik beherakoen artean”, azaldu du Laura Valdesoiro doktoreak, SEICAPeko Elikagaien Alergia Lantaldeko koordinatzaileak. “Adin horietan sistema immunologikoa plastikoa denez, desentsibilizazioa seguruagoa eta eraginkorragoa da”, gehitu du.

Tratamenduak baditu arriskuak ere, baina adituek azpimarratu dute onurek nabarmen gainditzen dituztela prozesuan gertatzen diren zailtasun eta erreakzio alergikoak. “Tratamendu horiek medikuaren gainbegiratze zorrotzarekin eta esperientzia duten ekipoekin egitea da gakoa”, azaldu du Celia Pinto doktoreak, SEICAPeko Elikagaien Alergia Lantaldeko kideak. “Familiek beren egunerokotasuna normalizatzen dute, ustekabeko ahorakinen ondoriozko erreakzio-arriskua murrizteko lasaitasunarekin eta beren bizi-kalitatea hobetuz”.

Unitate espezializatuen sarea

Duela 18 hilabete bultzatu zuen SEICAPek Ahoko Immunoterapiako Unitateen Erregistroa. Datu hauek ondorioztatzeko datu bilketa egin zuten eta EAEko bost unitatek eta Nafarroako bik erantzun zuten egindako inkesta. Sarean 67 unitate daude.

Unitate horietako profesional gehienek hamarkada bat baino gehiagoko esperientzia dute, eta batez ere esnearekin eta arrautzarekin egiten diren tratamenduetan oinarritzen dira, adin guztietako haurrentzat, bularreko haurrentzat eta nerabeentzat.

Protokolo indibidualizatuak

Kasu larrienetan edo etapa goiztiarretatik tratamendurik jaso ez duten kasuetan nerabeen kasuan, elikadura-alergiak modu larrian iraun dezake. “Adibide argigarri bat da erreakzio alergiko bat izatea esnearekin kutsatutako kapsula-kafea hartzeagatik. Horrelako gertaerek agerian uzten dute zein muturrekoa izan daitekeen paziente batzuen alergia eta etxetik kanpo jateak dakarren benetako arriskua”, esan du Celia Pinto doktoreak.