Maialen gorosabelekin elkarrizketa izan dugu. Talde honen lan ildoak eta oinarriak ulertzeko.
Aurreko astean Haur eta nerabeen parte hartzea sustatzeko bost liburuxka aurkeztu ziren. Astebukaera honetan izango diren jardunaldietan aurkeztu eta banatuko dira. Guk herri hezitzailea eskola herritarreko kide den Maialen Gorosabelekin hitz egin dugu, talde honen lana zein den ulertzeko eta jardunaldi eta liburuxka hauek, taldearen lan dinamikan kokatzeko.
Oinherri izena hartuko du lan taldeak eta esparru ezberdinetako eragile eta taldeak biltzen ditu, Irrien Lagunak Kluba, HUHEZIko Sorguneak ikertegia, Lizarrako eta Iruñeko udal haur-eskolen taldea, Oarsoaldeko Garapen Agentzia, Arrasateko Txatxilipurdi euskara eta aisialdiko elkartea, Euskararen Topagunea, Ikastolen elkarteko aisialdiko taldea, Urtxintxa Bizkaia, Amarauna, Tabakalerako hezkuntza saila, Pil-pilean elkartea, Ttakun kultur elkartea eta Hik Hasi heziketa egitasmoa. Aipaturiko eragile horiek guztiak elkartu dira haurrentzako, gazteentzako, eta, oro har, herritar guztientzako egokiak diren herriak edo hiriak pentsatzeko, eta hainbat urrats emateko.
Maialenek lan taldearen lan ildoak zeintzuk diren azaltzeaz gain taldearen oinarri filosofikoak zeintzuk diren argitu digu.