Hik Hasi-n ilusio eta erronkaz beteta abiatu dute ikasturte berria. Ohiko hik hasi aldizkari pedagogikoaz eta Hazi Hezi haziera eta heziketa aldizkariaz gainera, urte guztiko bi formazio eskainiko dituzte: haur hezkuntzako (0-6) hezitzaileena bata; eta psikomotrizitate erlazionalari buruzkoa bestea.

Horietaz aparte, udazkeneko jardunaldiak ere prestatzen hasiak dira dagoeneko. Azaroaren 15ean eta 16an egingo dira eta aurten landuko den gaia “Txikitako beldurrak” izango da. Gainera, argitaratu berri duten“Euskal Herrian erreferente diren PEDAGOGOAK” liburuak ere emango du zer esana. Ikasturteko lan ildoen inguruan hitz egin dugu Ainara Gorostizu Hik hasiko kidearekin.