Hemendik aurrera Bizkaiko eskubaloi, futbol eta saskibaloi partiden aurretik “errespetua” jartzen duen pankarta erakutsiko dute Eskola Kiroleko haurrek. Gurasoen jarrera desegokien gorakada ikusita, Bizkaiko Foru Aldundiak, joan den larunbaten jarri zuen martxan ekimena.

Irain gehienak epaileek jasotzen dituzte, eta, horrela, familiei “tentsioa beretzeko” deia egin nahi zaie. “Publikoa non dagoen kontziente izatea nahi dugu; hau adingabeentzako espazio seguru bat da eta errespetua izan behar da”, adierazi du Bizkaiko kirol diputatu Leixuri Arrizabalagak.