Askotan zaila izaten da arraina jateko modu berriak eta dibertigarriak aurkitzea, baina honako hau erraza eta polita da.

Osagaiak:

  • Bi hostore-xafla (formatu biribilekoak)
  • Hiru atun lata
  • Maionesa edo tomatea
  • Arrautza 1

Nola egin:

1- Hostorezko xafla bat luzatu, eta labanarekin edo artaziekin arrain forma eman.

2- Atuna maionesarekin (edo nahiago bada tomatearekin) nahastu eta hostorearen gainean zabaldu, ertzak libre utziz.

3- Beste hostore-xafla gainean jarri, eta ertz guztiak tolestu, bi xaflak lotzeko.

4- Aizto baten laguntzaz, arrainaren burua, begia, ezkatak eta buztana markatu. Irudimena erabili!

5- Arrainaren erdialdean, bi lerro markatu, eta paraleloki, beste lerro batzuk moztu.

6- Tira bertikalak bihurritu.

7- Gainazal osoa arrautza irabiatuarekin busti, pintzel baten laguntzaz.

8- Aurrez berotutako labean sartu, 200 gradutara eta, 20 bat minutuz.

ON EGIN!