Errezeta osasungarri bezain dibertigarri hau egiteko, habilezia eta pazientzia izango dira osagairik garrantzitsuenak. Hortaz, jantzi mantalak, jaso mahukak eta ekin zuhaitza eraikitzeari!

Osagaiak:

  • Sagar bat
  • Azenario bat
  • Gustoko dituzuen frutak
  • Zotzak
  • Irudimena

Zuhaitzaren egitura osatzeko, sagar bat erabiliko dugu, eta gainean azenario bat jarriko diogu, zotzekin lotuta.

Ondoren, gure egiturari zotz gehiago jarriko dizkiogu, baina oraingoan, kanpora begira.

Zuritu aukeratu dituzuen frutak, eta moztu nahi dituzuen formekin (zenbat eta fruta mota eta forma gehiago, hobe).

Apurka-apurka, frutak zotzetan jarri. Kontuz! Ez daitezela erori…