“Eskola Bideak”, haurrak eskolara bakarrik eta oinez joatea sustatu eta erraztu nahi duten ekimenak dira. Helburua  helduen laguntzarik gabe, bakarrik  eta bide seguru batetik  eskolarako bidea egitea da.

Nahiz eta orain dela denbora gutxi arte eskolara oinez joatea ohikoa izan, azken urteetan haurrak kotxean eskolara eramatea ohikoa bilakatu da,  eta horrek hainbat gabezia garrantzitsu eragiten ditu neska-mutilen artean: ingurunea ezagutzeko eta bakarrik mugitzeko zailtasunak, sedentarismoa, beste haurrekin kalean harremanik ez izatea, eta abar. Era berean, errepideetako trafikoa handitzea ere eragiten du.

Testuinguru honetan, Eskola Bidea ekimenak Europan jadanik garatutako esperientzia arrakastatsuetan oinarritzen dira hauek dira egitasmo gehienetan errepikatzen diren helburuak.

  • Sedentarismoari aurre egingo dioten bizitza ohitura osasuntsuak garatzea.
  • Norberaren autoestimu indartuko duten autonomia maila egokien garapena.
  • Bide segurtasunaren eta gizalegearen zentzu egokien garapena.
  • Garraiobide ez kutsakorrak sustatzen dituzte.
  • Herrian eta eskolaren inguruan ezbeharren maila jaisten da.
  • Herritarrentzako gune publikoen berreskurapenean laguntzen dute, aisialdiko, gizarteratze zein gure txikienentzako ikasgune gisa.

 

Eskola bideak sortu eta garatzeko modu ezberdinak ikusten gabiltza azken aldian. Udalerri ezberdinetan frogak egiten dabiltza eta datorren ikasturtera begira martxan jartzeko asmoa daukate. Gernika Lumoko prozesua sare sozialen bitartez jarraitu dugu, eta prentsan ere isla izan du.

Guk,  Zihortza Marzanekin hitz egin dugu, bera Bergarako eskola bidea koordinatzen dabil  eta egitasmoaren gakoez hitz egin digu.

 

Munduan baina, badira eskolara joateko bestelako bideak egiten dituztenak ere. Hausnartzeko baliogarria edo?’