Alaitz Jauregi antzuolarrak eskulanak egin ohi ditu herriko gazteekin eta Goiena Komunikazio Taldearen Puntua aldizkarian argitaratu berri duen eskulan erraz zein polita dakarkigu, gaurkoan: bihotz berezia.

Materiala

  • Kartoia
  • Guraizeak
  • Margoak
  • Haria edo soka
  • Kola
  • Apaingarriak

Nola egin

  1. Moztu kartoia eta eman bihotz forma.
  2. Gustuko duzun koloreekin margotu.
  3. Hariak edo soka itsatsi bihotzean zehar, nahi duzun tokian.
  4. Apaingarriak jarri. Edozer izan daiteke: tximeletak, lumak…
  5. Prest duzu bihotza, nahi duzunari oparitzeko edo etxeko txoko batean jartzeko.