Nerea Villak proposatutako eskulanaren jarraibideak aurki ditzakezue segidan. Ausartuko zara itsas lamina egitera?

Materiala

  • Guraizeak.
  • Tartaletak egiteko moldeak.
  • Edateko jogurt poto bat.
  • Pipa garbitzekoak.
  • Izar formako gometsak.
  • Zilarrezko haria edo soka papafinatua.
  • Iltze edo txintxeta bat.
  • Txirlen edo itsas barraskilotxoen maskorrak.
  • Limoi poltsaren sarea.
  • Kola zuria edo kola beroko pistola.

Nola egin

1. Jogurt potoari kendu kanpoaldeko plastikoa eta haria jarri ipurdian. Txintxeta batekin zuloa egin eta hortik pasa haria. Korapiloa egin eta potoaren barrualdean ezkutatuta utzi.
2. Jogurt potoari eskuak egiteko, zulatu txintxetarekin bi aldeetan. Bertatik pasa pipa garbitzekoak, eskuak bezala jartzeko.
3. Moztu triangelutan tartaleta molde bat, jogurt potoaren azpialdean jartzeko, eta buztana egiteko sartu haritik tartaletak. Nahi diozun luzera eman.
4. Itsas laminari isatsa itsatsi. Kola zuria edo beroa erabili, isatsak pisua hartzen baitu.
5. Apaindu itsas lamina. Begiak, ahoa, ilea eta gorputzeko apaingarriak itsatsi.
6. Argazkiko itxura hartuko du itsas lamiak. Zeurea egin nahi?