Gaurko honetan Txatxilipurdi eta guraso.eus egitasmoek abiatu dugun KaleNatura egitasmoarekin bat egiteko proposamena luzatu nahi dizuegu Eskulanen txoko honetan. Gure hiri, herri eta auzoetan dauden landare eta zuhaitzak izendatzeko eskulan txikiak egitea da proposamena. Egin txangoa herrian zehar eta izendatu KaleNatura.

Materiala

  • karteltxoak egiteko paper kartoi edo egurtxoak
  • Rotulki edo margoak
  • Klariona
  • Landareak identifikatzeko jakintza duen norbait edo honetarako APPa instalatuta duen Smartphona

Pausuak


1- Begiratu inguruan eta begiratu leku xelebrean hasi den landare edo zuhaitz horri.


2- Izendatu dezakezue? Badakizue ze izen duen? Agian norbaitek jakingo du, bestela badaude doako APpak argazkia aterata lagunduko dizuetenak, (picture this, plantnet…) eskatu laguntza heldu bati eta ea aurkitzen duzuen landarearen izena.


3- Badakizu landarearen izena? Egin karteltxo bat, marrazki bat kartoi edo egur batean eta izendatu landarea denek ezagutu dezaten.


4- Zuzenean lurrean ere idatzi dezakezue landarearen izena. Klariona erabili dugu guk.


5- Ea poliki-poliki inguratzen gaituzten landareak ezagutzen ditugun