Gaur kometa txiki bat nola egin erakutsiko dizuegu. Zintzilikari edo giltzatako gisa erabil daiteke; hala ere, bakoitzak nahi duen erabilera eman diezaioke.

Materiala:

  • Artilea
  • Artaziak
  • Silikona
  • Egurrezko makiltxoak

Pausoz pauso

  1. Hasteko, gure kometaren gorputza izango diren bi makila zati moztuko ditugu, bata bestea baino handiagoa.
  2. Jarraitzeko, bata bestearekin itsatsiko ditugu, gurutze forma emanez.
  3. Ondoren, artile zati bat hartu eta bi makilen erdian inguratzen hasiko gara. Erdiko zatia sendo dagoenean, artilea makil mutur guztietatik pasatzen hasiko gara, makil bakoitzean buelta bat emanez. Kometaren egitura sendo gera dadin, tentsio pixka batekin lotuko dugu artilea. Eman nahi adina buelta, zenbat eta buelta gehiago, orduan eta kometa handiagoa osatuko dugu.
  4. Kolore ezberdinetako artilea erabili nahi baldin badugu, artile zati ezberdinak moztu eta muturrak kometaren atzean itsatsi beharko ditugu.
  5. Nahi dugun neurriko kometa egin dugunean, apaindu egingo dugu.
  6. Guk zintzilikari bat egin nahi izan dugu, baina giltzatakoa ere bihur daiteke.
  7. Egin nahi adina kometa eta eman erabilera desberdinak!