Logelako atea apaindu nahi duzu? Hemen duzu ate ondoan jartzeko zintzilikario proposamena, Nerea Villaren eskutik.

Materiala

  • Azazkaletako laka.
  • Makarroiak.
  • Botoiak.
  • Koko bat –bestela, natilla edo jogurt pote bat–.
  • Txotx luze bat.
  • Kafe-kapsulak.
  • Haria.
  • Zulatzeko aparailua eta barautsa.
  • Kola zuria.

Nola egin

1. Sartu txotx barruan makarroiak eta margotu azazkaletako lakarekin. Errazagoa izango da horrela margotzea.
2. Margotutako makarroiei sartu haria barrutik. Ez daitezen irten, puntan lotu botoi bat, tope bezala.
3. Kafe-kapsula zulatu eta makarroien ondoan jarri, harian sartuta. Tiburoi izeneko makarroi mota jarri, tope bezala.
4. Zulatu kokoa zulatzeko makinarekin edo iltzearekin eta mailuarekin. Gero, horietatik sartu makarroiak eta kafe-kapsulak dituzten hariak, eta lotu.
5. Beste zulo bat egin kokoaren goiko zatian. Bertan ipini zintzilik jartzeko hariarekin eginiko lotura. Botoi bat erabili lotura egiteko. Botoia kola zuriarekin itsatsi.
6. Zintzilikarioa prest egongo da. Jarri nahiago duzun atearen ondoan eta disfrutatu egindakoarekin!