Eskulan hau ere aitzakia bat da, errekara joan eta haurrekin batera naturara gerturatzeko eta harriekin sortzailetasuna sustatzeko. Errekara jaitsi eta jolas eremuetako segurtasun artifizialetik irtetea erronka izan daiteke gurasoontzat ere.
Gaur egun, helduon interbentzioari “esker”, haurrek arriskua bizitzea oso zaila dute. Eta arriskua guztiz beharrezkoa da. Desberdindu behar dugu arriskua (riesgo), arriskua (peligro) eta erronka. Guk pentsatzen dugu “riesgoak” eta erronkak ongizatearekin hezteko beharrezkoak direla peligroak saihestuz.
Françoise Doltok dio: “Jolasa askatasunean arriskatzeko plazerra da”. Baina, gune hauetako jolasa arriskurik gabe bihurtu dugu helduok, kontrolatua, batzuetan dibertsiorik gabe ere. Txusma Azkona /Alfredo Hoyuelos. guraso.eus.
Behin errekara jaitsita harri ezberdinak batu genituen Bergarako Oxirondo parkeko txokoan. Harri handiak, txikiak, kolore ezberdinetakoak eta forma anitzetakoak. Guztiak dira baliagarriak irudiak sortzeko, txakurrak , arrainak, karakolak… edozer sortu daiteke harriekin. Guk plastilina ere erabili dugu irudiak sortzeko. harriez gain makilak, hostoak, edo naturako beste elamentuak erabiliz gero prozesua aberatsagoa izango da.
MATERIALA:
- Errekako harriak
- Plastilina
- Rotulki bat
1- Errekara jaitsi eta harriak aukeratu. Bestelako “altxorrak” ere aurki daitezke bertan.
2- Batutako harriekin eta gehitu nahi ugun beste elementuekin irudimerari lekua utzi, guk eredu batzuk aurkitu genituen liburu batean. Baina denok batera geure irudi propioak sortu genituen ondoren.
3- Rotulkia ere erabili genuen detailetxoak egiteko.
4- Ea ze sortzen duzuen! Gustora ikusiko genituzke zuen sorkuntzak!
Iruzkinik ez "Eskulana: harriekin irudiak"