Ipuinak kontatzeaz, narrazioaz,   hausnartu genuen aste honetan argitaratutako artikuluan. Rosa Tizianoren testu bat erabili genuen horretarako. Gaurkoan ipuinak entzuteko baliabide bat aurkeztu nahi dizuegu. Entzutea gero kontatzeko edo soilik entzuteko, entzutea ere motelegia iruditzen zaigun garai hauetan.

Ipuin laburrak, mikroipuinak, poemak, egunkarietatik jasotako hausnarketak, liburu osoak edo horien pasarteak topa daitezke 2010. urtean sortu eta argitaratu zuten www.etxegiroan.com atarian. Helduentzat, gazteentzat eta umeentzat prestaturiko lan horiek euskaraz zein gaztelaniaz entzun daitezke.

Hurrentzako literaturan aukera handia eskaintzen da webgunean.  Negu giro honekin, etxegiroan goxo entzuteko haur literatura, mimoz grabatua.