Gazteen kontsumoa aztertzeko gai ezberdinak lantzen dituen ikerketa da Ikusiker. Ikerketa jarraitua egiten ari dira jarraipen-inkesta baten bidez. Aldian aldian ematen dituzte emaitzak ezagutzera. Azken panela uztailekoa da.

Adin nagusikoek edo unibertsitate-ikasleek abisu bat jasotzen dute Whatsapp programatu baten bidez, eta inkesta betetzera sartzen dira ehuneko handi batean. Gaztetxoagoek ikasketa zentroen bidezko inkestak betetzen dituzte. Hego Euskal Herri mailako ikerketa da.

Inkesta jarraituaren bidez unean uneko argazkia ateratzeaz gainera erabilpen joeren aldakortasuna ere aztertzen dute ikertzaileek.

Zer gailu erabiltzen dituzten, ikus-entzunezkoak zein plataformatan kontsumitzen dituzten, edukiak kontsumitzeko ordutegia, zein telebista kate lehenesten duten, zein sare sozial erabiltzen duten gehien… ikustarazten dute emaitzek.

EHUko NOR ikerketa taldeko unibertsitateko irakasleek eta kolaboratzaileek, EITBk, Kulturaren Euskal Behatokiak eta Tabakalerak egiten dute Ikusiker.

Albistearen iturria eta informazio sakonagoa: Sustatu.eus