Euskararen biziberritze prozesuan aisialdiak garrantzi handia du, eta duela urtebete inguru sortu zen Kukulaisi elkartea.

Helburuan artean dituzte euskarazko aisialdian diharduten elkarteak saretzea eta indartzea, eta horrekin batera euskarazko aisialdi hezitzaile eta berritzaile baterako lanketan indarrak batzea.

Hamazazpi elkartek osatzen dute, gaur egun, Kukulaisi. Horien artean dira Arrasateko Txatxilipurdi, Bergarako Jardun, Usurbilgo Noaua, Hernaniko Dobera, Ordiziako Hitzaro, Elgoibarko Izarra, Lasarte Oriako Ttakun, Soraluzeko Pil Pilean, Getxoko Bizarra Lepoan, Durangoko Berbaro, Bilboko Berbaizu,  Gasteizko Geu, Laudioko Kirikiño, Atarrabiako Karrikaluze, Euskarabentura, Kabia eta Euskaltzaleen Topagunea. Sare hori zabaltzen joatea da, beti ere, asmoa.

Zapaturako hezitzaileei eta koordinatzaileei begirako jardunaldi bereziak antolatu dituzte Ermuan. Kukulaisiko zuzendari June Furundarenak eta Jardun elkarteko Saioa Garitanok azaldu dute gehiago.