Argitaratu da Euskarazko Produktuen Katalogoaren edizio berria haurrentzako eta gazteentzako milaka produkturekin. Zorionez, gero eta produktu gehiago egiten dira euskaraz, eta horien aukeraketa bat da Euskarazko Produktuen Katalogoak biltzen duena.

Produktu gehiago eta horiei buruzko informazioa katalogoa.eus atarian aurki daitezke. 

Bi adin tarte 

Paperezko edizioak bezala, katalogoa.eus atariak ere bi atal nagusi ditu: 0-12 urte bitarteko haurrentzako produktuekin osatua bata, eta 12-16 urte bitarteko gazteentzako produktuekin osatua bestea. Eta ez hori bakarrik, atal bakoitzak bere direktorioa du eta, hartara, tipologia bakoitzeko produktuen bilaketa nabarmen erraztu eta hobetzen da produktuak tituluaren, argitaletxearen, autorearen, adin-tartearen edota prezioaren arabera bistara daitezkeelako. 

Webgunea, dena den, maiz eguneratzen da eta eguneratze lan hori urte osoan zehar egiten da. Katalogoa.eus atariak, gainera, aukera ematen du buletinean harpidetzeko eta nobedadeen berri izateko e-posta bidez.