Arrasate: Adimen emozionalari buruzko tailerrak gurasoentzako
Adimen emozionalari buruzko hiru tailer izango dira guztira, Arrasateko Udal Prebentzioak antolatuta, gurasoak euren eta seme-alaben emozioei arreta jartzen trebatzeko.
Urtarrilaren 27ra arte eman ahalko dute izena hemen 0-5 eta 6-12 urteko haurrak dituztenek, eta martxoan zabalduko da 13-18 urteko seme-alabak dituztenen izen ematea. Plazak mugatuak dira.
Arrasateko Udal Prebentzio Zerbitzuak adimen emozionalaren inguruan gurasoentzako hiru tailer antolatu ditu. Helburua da gurasoak trebatzea norbere eta seme-alaben emozioei arreta jartzen, hauek identifikatu eta hauei lotutako portaerak ulertzeko. Seme-alaben heziketa prozesuan familian ematen diren egoera emozional ezberdinak kudeatzen ikasteko tailerrak dira.
0-18 urte bitarteko seme-alabak dituzten gurasoei zuzenduta daude ikastaroak, eta hiru talde sortuko dira seme-alaben adinaren arabera: 0-5 urte, 6-12 urte eta 13-18 urte.
Hainbat eduki landuko dira, hala nola, emozioak zer diren, zein funtzio dituzten, zertara bultzatzen gaituzten emozioek, kudeaketa emozionala, haur eta nerabeek emozioak nola bizi dituzten eta gure seme-alaben bidelagun emozionalak izateko baliabideak ere jorratuko dira.
Informazio gehiagorako, deitu BAZ-era (943 25 20 00) edo Gizarte Zerbitzuetara (943 25 20 07). Izena emateko bete galdetegi hau. Urtarrilaren 27ra arte eman dezakete izena 0-5 eta 6-12 urte bitarteko haurrak dituzten gurasoek eta martxoan zabalduko da 13-18 urteko seme-alabak dituztenen izen ematea.
Iruzkinik ez "Arrasate: Adimen emozionalari buruzko tailerrak gurasoentzako"