Calendar
When:
2022-01-16 @ 17:30 – 2022-03-27 @ 19:30
2022-01-16T17:30:00+01:00
2022-03-27T19:30:00+02:00
Arrasate: ‘Familian Jolasean’
Martxoaren 27ra bitartean, igandero, 11 saio burutuko dira. Okendoko ludotekan izango da hitzordua. Izena eman daiteke bai Ludoteketan eta baita aktibitatean bertan.

Udaleko Gazteria Sailak ‘Familian Jolasean’ ekimenaren edizio berri bat jarriko du martxan igande honetan, urtarrilak 16. Ekimen honen helburuetako bat da familiei aukera eta guneak eskaintzea guraso eta seme-alaben arteko harremanez era ludikoan gozatzeko.

0-8 urte arteko familia ezberdinek elkar ezagutzeko eta euskaraz elkarrekin jolasteko aukera bat da, aniztasuna kontuan hartuta eta euskararen transmisioaren garrantzia azpimarratuta. Asmoa da neguko igandeetan, espazioa, denbora eta hitzordua eskaintzea familiei elkarrekin partekatzeko jolasa eta kalitatezko aisialdi hezitzailea. Bi hezitzaileren laguntza egongo da, familiek behar duten informazioa eta aholkuak emateko.

Igandero izango da hitzordua, urtarrilaren 16an hasi eta martxoaren 27ra bitartean, 11 saio guztira (urtarrilak 16, 23, 30, otsailak 6, 13, 20, 27, eta martxoak 6, 13, 20, 27). Okendoko ludotekan izango da hitzordua. Izena eman daiteke bai Ludoteketan eta baita aktibitatean bertan. Plazak mugatuak dira.