Arrasate: ‘Haurtzaroa, nerabezaroa eta pantailak’
AVESANTES elkarteak antolatuta, ‘Haurtzaroa, nerabezaroa eta pantailak: familian teknologiaren erabilera arduratsua sustatuz’ hitzaldia 0 eta 14 urte bitarteko seme-alabak dituzten familiei zuzenduta dago.
Datorren azaroaren 12an, goizeko 11:00etan, Rakel Gamito Gomez Hezkuntza Zientzietan doktorea eta Euskal Herriko Unibertsitateko irakasle arrasatearrak ‘Haurtzaroa, nerabezaroa eta pantailak: teknologiaren erabilera arduratsua sustatzen familian’ hitzaldia emango du Santa Teresa eta Doneztebe Portuko Auzo Elkartearen egoitzan (Santa Teresa 12, behea ezkerrean).
Hitzaldia 0-14 urte bitarteko seme-alabak dituzten familiei zuzenduta dago, eta bertan Rakel Gamitok galdera hauei erantzungo die: Ulertu nahi duzue zuen seme-alabek pantailekin duten harremana? Jakin nahi duzue zer egiten duten online daudenean? Familia-estrategiak ezagutu nahi dituzue teknologiari dagokionez erabilera-ohitura osasungarriak sustatzeko?. Hitzaldi honetan haur eta nerabeen garaiko errealitate digitala azalduko da, haien arriskuak eta onurak zerrendatuz, familiak teknologiaren erabilera seguruan duen eginkizunari buruz hausnartzeko.
Iruzkinik ez "Arrasate: ‘Haurtzaroa, nerabezaroa eta pantailak’"