Noiz:
2021-11-18 @ 17:00 – 2021-12-19 @ 2:45
2021-11-18T17:00:00+01:00
2021-12-19T02:45:00+01:00
Arrasate: jostailu truke merkatua

Gabon garaira gerturatzen  gauden honetan, Txatxilipurdi Elkarteak azken urteotako ohiturari jarraituz, Jostailu Truke Merkatua egitasmoa martxan jarriko du aste honetan.

Etxeko jostailuei bigarren aukera bat eman, kontsumoa murriztu eta trukearen balioa sustatzea du helburu egitasmoak.

Edonork parte har dezake eta nahi adina jostailu ekar ditzake, guztiek balio berdina izango dutelarik.

Parte hartzaile bakoitzak ekarritako lehen bi jostailuen truke, koloretako  bi txartel izango ditu. Gainontzeko jostailuen truke berriz, Txuri- beltzeko txartelak izango ditu. Truke egunean, koloretako txartelak nahi duen orduan aldatzeko aukera egongo da, 11:30-13:30 bitartean.Txuri- beltzeko txartelak aldiz, bigarren orduan bakarrik aldatu ahal izango dira, 12:30-13:30 bitartean.

Jostailu guztiak egoera onean eta osorik egon beharko dira. Bestalde, ez dira onartuko indarkeria sustatzen dituztenak ez eta sexu bereizketa egiten dutenak.

Jostailuak jasoko diren egun eta guneak hauexek dira:

Azaroan:

Aste barruan,  17:00-18:30 bitartean:

18 eta 19an Santamarinako ludotekan

25ean Arimazuriko plazan

26an Usaetxeko plazan

Asteburuan, 12:00-13:30 bitartean:

20an Santa Teresako parkean

27an Arimazuriko plazan

 

Abenduan:

Aste barruan,  17:00-18:30 bitartean:

9an Herriko plazan

10ean Sebero/Biteri plazan

Asteburuan, 12:00-13:30 bitartean:

11n Sebero/Biteri plazan

 

Oharra: Astean zehar jasoko diren egunetan, 12:00-13:30 bitartean , Txatxilipurdi Elkartean ere jasoko dira.

Jostailu Truke Merkatua berriz, Abenduak 18an izango da Biteri plazan 11:30-13:30 bitartean.Txartelen truke jostailuak jasotzeaz gain, bertan jarriko den tailer batean parte hartzeko aukera egongo da.

Gogoratu beraz, azaroak 18 osteguna, aste honetan jostailuak biltzen hasiko gara.