Arrasate: Seme alabak eta sexualitatea
Arrasateko Udalak 0-16 urteko seme-alabak dituzten gurasoei zuzenduta sexualitatearen inguruan 2 saioko 3 tailer antolatu ditu.
Arrasateko Udal Sexologia Zerbitzuak eta Prebentzio Zerbitzuak, 0-16 urteko seme-alabak dituzten gurasoei zuzenduta, sexualitatearen inguruko bi saioko hiru tailer antolatu dituzte, seme-alaben adin tartearen arabera. Aurrez eman behar da izena, udal webgunean edota 943 25 20 00 telefonora deituz.
Saioen helburua da seme-alabengana hobeto heltzeko erremintak eskaintzea gurasoei, baita sexualitateari dagokionean ere. “Gaur egun gazteek gero eta azkarrago esperimentatzen dutela esaten da, baina horrela al da? honen inguruan hitz egiteko aukera ere izango dugu. Oso normala da gai honen inguruan zalantzak edukitzea, askotan helduok ez dugulako holako heziketarik jaso. Saio hauetan, giro seguru eta erlaxatuan, zalantza horiek argituko ditugu Arrasateko Sexologia Zerbitzuko profesionalen eskutik” nabarmendu dute antolatzaileek.
Honako hauek dira saioen ordutegiak, seme-alaben adin tarteen arabera banatuta:
- 0-5 urte: maiatzak 16 eta 23, 18:00etatik 19:30era Kulturateko Jokin Zaitegi gelan.
- 6-11 urte: maiatzak 2 eta 9, 18:00etatik 19:30era Kulturateko Jokin Zaitegi gelan.
- 12-16 urte: maiatzak 30 eta ekainak 6, 18:00etatik 19:30era Kulturateko Jokin Zaitegi gelan.
Iruzkinik ez "Arrasate: Seme alabak eta sexualitatea"