Noiz:
2022-10-11 @ 18:30 – 20:00
2022-10-11T18:30:00+02:00
2022-10-11T20:00:00+02:00
Bergara: Hezkuntzaren digitalizazio demokratikoa?

GAIA: Hezkuntzaren digitalizazio demokratikoa? Kataluinako DD esperientzia eta
Donibaneko Txikilinux esperientzia.


LABURPENA: Hezkuntzan erabiltzen ditugun tresna digitalak ez dira neutroak. Gaur egun
korporazio handien tresnak erabiltzen dira batez ere, izan kostu ekonomikorik suposatzen ez
dutelako, izan beste arrazoi batzuengatik. Baina posible al da kalitatezko hezkuntza tresna
digital libreak erabilita? Horretan ari diren bi esperientzia ezagutuko ditugu. Alde batetik,
Bartzelonan garatu eta martxan jarri den Digital Democratic (DD) izeneko esperientzia,
guraso talde batek bere seme alaben datuak eskolaratzen direnetik Google-en esku
egotearen kezkatik sortutako proiektua eta Bartzelonako Udalaren laguntzaz Xnet sarearekin
batera garatu dutena. Eta bestetik, Donibaneko ikastolaren esperientzia ezagutuko dugu,
non Txikilinux XiLaBa proiektua martxan jarri duten haurrak tresna libreetan trebatzeko. Baja
emandako ordenagailuak berreskuratu eta Heziberri 2020 planak esaten duen oinarrizko
diziplina barruko konpetentziak lantzeko hezkuntzarako aplikazioak ikasleen eskura jartzen
dituzte.
HELBURUAK: Hezkuntza komunitatean hausnarketarako bideak irekitzea eta eztabaida
piztea erabiltzen diren tresna digitalen inguruan. Erabiltzen duguna ezagutu, tresna libreak
erabiltzearen garrantzia azpimarratu eta horrelako esperientzia bat Bergaran martxan jarri
daitekeen ikusi.
Hizlaria : Eder Etxebarria eta Cecilia Bayo.
Eder Etxebarria Rojo sortzez bilbotarra eta Urruñan bizi den Baionako Etxepare lizeoko
irakaslea da. Ekonomia ikasketak burutu ondotik 10 urtez lanean aritu da banketxe
ezberdinetan. Duela 4 urte irakaskuntzara eman zuen jauzia. Pandemiak Linux ezagutzeko
parada eman zion eta ordutik software librearen maitale sutsua bilakatu da. Aurtengo
otsailean “Txikilinux XiLaBa” proiektua aurrera eraman du Donibane Lohizuneko ikastolan.
Cecilia Bayo Gizarte Zientzietan lizentziatua da eta Historian eta Bigarren Hezkuntzako
irakaslegoaren formazioan masterrak eginak ditu. Bere ibilbide profesionala argitaletxeen
arloko komunikazioan garatu du hein handi batean eta Xnet kolektiboarekin lan egiten duen
guraso sareko kide da. Kolektibo honek datuen pribatutasuna eta hezkuntzaren digitalizazio
demokratikoa lantzen ditu eta proiektu piloto bat garatu dute gizarte zibil antolatuaren
ekimenetik abiatuta.


NOIZ: Urriak 11
ORDUA: 18:30etan
NON: Seminarixoa
HIZKUNTZA: Euskaraz (Eder) eta Gazteleraz (Cecilia)