Noiz:
2022-09-17 all-day
2022-09-17T00:00:00+02:00
2022-09-18T00:00:00+02:00
Berriz: Umerriko jardunaldiak

Berrizko Umerri eskola aktiboak hitzaldi eta jardueraz osatutako jardunaldiak ospatuko ditu irailaren 17an.
Umerri eskola aktiboak, bere 10. ikasturtea izan zuen iazkoa, eta ospatzeko, urte guzti hauetan
eskolan ibilitako haur, familia eta bidelagunak elkartu ginen, omenaldi berezi bat eginez
2011an eskola martxan jarri zuten lehen familiei.


Hamaikagarren ikasturte honetan ospakizuna haratago eraman nahi dugu eta interesa duen orori eskainitako jardunaldiak antolatu ditugu, gure eskolaren oinarriak eta urte hauetako esperientzia familia eta hezitzaile aktiboekin partekatzeko.

Hezitzaile zein gurasoentzat interesgarriak izango diren hainbat hitzaldi antolatu ditugu, gure oinarriei buruz hitz egiteko, eta aldi berean, familian parte hartzeko jarduerak ere izango ditugu.


Umerri familiok sortutako proiektu bat izanik, ezin genituen haurrak alde batera utzi horrelako ospakizun batean, beraz, familian parte hartzera gonbidatu nahi dugu jendea, heldu bat hitzaldi bat entzuten ari den bitartean haurrek beste heldu batekin jardueretan parte hartu ahal izango dute, guztientzako ekintza aproposak egongo baitira egun guztian zehar.

Hitzaldietan soilik izena eman nahi duten hezitzaileak edo etorkizuneko hezitzaileak ere ongi etorriak izango dira, noski. Gure esperientzia beraiekin konpartitzea asko gustatuko litzaiguke.

Irailaren 11ra arte dago zabalik izen ematea, eta Umerriren web orrian aurkitu daitekeen
 oturaren bidez egin daiteke.