Noiz:
2021-11-27 all-day
2021-11-27T00:00:00+01:00
2021-11-28T00:00:00+01:00
Donosti: "Bukatzen ez den soka: haurtzaroa, literatura eta aukeraketa" ikastaroa

“Bukatzen ez den soka: haurtzaroa, literatura eta aukeraketa” ikastarorako izen-emate epea zabalik

Hamabost urte baino gehiago dira Galtzagorri Elkarteak Haur eta Gazte Literaturako Irakurketa Mintegia martxan jarri zuenetik. Honen baitan, urtero, tailer, hitzaldi zein ikastaro bat eskaintzen die mintegiko parte-hartzaileei eta baita interesa duen beste edonori ere.

Aurtengo ikasturterako formazio saio berri bat antolatu du Galtzagorri elkarteak ALDEE Artxibategi, Liburutegi eta Dokumentazio Zentroetako Profesionalen Euskal Elkartearekin elkarlanean. Oraingoan, haur eta gazteentzako liburuen aukeraketa hartuko dugu hizpide, eta horretarako, Anna Juan Cantavella adituak 8 orduko ikastaro trinkoa eskainiko du.

Liburuen aukeraketa irakurketaren bitartekariek euren lanean egiten duten lehen ekintza izaten da. Egitasmo jakin batzuetarako zein liburu aukeratu lanik garrantzitsuenetarikoa bihurtzen da merkatuaren gainprodukzioaren eta Haur Literaturaren esparruan egun dagoen ezagutza ezaren testuinguruan. Hain zuzen, Anna Juan Cantavellak hautaketa hori egiteko irizpideen gaineko hausnarketa egiten lagunduko die bitartekariei ikastaro honetan. Izan ere, egunerokotasunak erakusten digu kasu askotan hautaketa bat eraiki aurreko hausnarketa hori ez dela existitzen (askotan prestakuntza edo baliabide faltagatik), eta existitzea lortzen badu, beti alde batera uzten dituela irizpide literarioak edo estetikoak irizpide ekonomikoetan edo moraletan zentratzeko.

NORENTZAT: Haur eta gazteen heziketa literarioa lantzen duten eta irakurzaletasuna sustatzeko kezka eta interesa duen edozein bitartekarirentzat: bibliotekariak, irakasleak, editoreak, kultur teknikariak, irakurketa proiektuetan parte hartzen duten begirale edo animatzaileak, literatur kritikariak…

NON: Donostiako San Telmo Museoko Ekitaldi aretoan: Zuloaga plaza, 1, 20003, Donostia.

NOIZ: Azaroaren 27an, 10:00etatik 14:00etara eta 15:30etatik 19:30etara.

IZEN-EMATEA: Izen-emate orria beteta eta diru-sarrera egin izanaren ziurtagiria bidali behar dira azaroaren 19a baino lehen administrazioa@galtzagorri.eus helbidera.